Ийм хосолсон зан чанар таны санхүүгийн урсгалыг тодорхойлдог. Та хүндэтгэл, нэр төрөө хамгаалах үед илүү хүчтэй, бүтээлч, орлого татах чадвартай болдог бол, үл ойлголцол, үл хүндлэл мэдрэгдэхэд санхүүгийн энерги хаагдах хандлагатай байдаг.

Хүндлэл ба мөнгөний эргэлт

Таны орлогын гол түлхүүр бол хүндлэл, итгэлцэл, нэр хүнд юм.

Хүн бүрт тус дэм болох, бусдад урам өгөх үедээ та өөрөө ч орлого татаж байдаг.

Бусдад талархах, хүндэтгэх, сайн харилцаа тогтоох үед мөнгөний урсгал сэргэдэг нь таны энергийн онцлог.

Та эелдэг, нямбай, анхааралтай хүн. Гэхдээ дотооддоо өрсөлдөөнч, зорилго руугаа төвлөрдөг. Энэ дотоод эрч хүчийг зөв сувгаар чиглүүлбэл та манлайлагч болж чадна.

Ялангуяа эрэгтэй хүмүүсийн хувьд “хүний төлөө” гэсэн сэтгэл нь мөнгөний зарцуулалтын гол урсгал болдог. Бусдад тусалж, хамгаалах хүсэл илүү хүчтэй байдаг тул энэ энерги зөв хандлагаар чиглэгдэхэд орлого дагалддаг. Харин эмэгтэй хүмүүсийн хувьд хүндлэл, нэр төрийн мэдрэмж, бусдын үнэлэмж дээр тулгуурлан илүү ухаалаг, хэмнэлттэй мөнгөний эргэлт бий болгодог.

Орлого ба удирдах хүч

Та мөнгө олохдоо бие даах, шийдвэр гаргах, удирдах чадвараа ашигладаг. Өөрийн санаа, шийдвэрийг хэрэгжүүлэх үед орлого идэвхждэг.

Та бусдад даатгах бус, өөрийн хяналт дор ажиллах үед хамгийн үр дүнтэй байдаг.

Мөнгөний хяналт, санхүүгийн төлөвлөлт, бодлогын шийдвэр гаргах —эдгээр нь таны орлогын үндэс юм.

Бие даасан бизнес, менежмент, удирдлага, эсвэл тодорхой хариуцлагатай албан тушаалд байх нь таны мөнгөний урсгалыг тогтвортой байлгадаг.

Эрх мэдэл, хяналт, хариуцлагын мэдрэмж орлого татах гол суурь бөгөөд “өөрөө шийдэж, өөрөө хариуцах” зарчим таны дотоод итгэлтэй холбоотой.

Мөнгөний талаарх сэтгэлгээ

Таны мөнгөний сэтгэлгээ эсрэг тэсрэг шинж чанартай —нэг талаар тооцоотой, нөгөө талаар нэр төрийн мэдрэмжтэй.

Заримдаа хэт хэмнэлттэй, болгоомжтой ханддаг ч өөрийгөө бусдаас дутуу харагдуулахыг хүсдэггүй. Иймээс нэр хүнд, дүр төрх, байр сууриа хадгалах зорилгоор илүү чанартай зүйлд хөрөнгө оруулах хандлага ажиглагддаг.

Эмэгтэйчүүдийн хувьд хуримтлал үүсгэх, хадгалах чадвар илүү сайн хөгждөг бол эрэгтэйчүүдийн хувьд өрсөлдөөн, бардам чанар нь заримдаа илүү их зарцуулалт үүсгэдэг.

Гэхдээ энэ нь сөрөг тал биш — харин өөрийгөө илэрхийлэх, үнэ цэнэ бүтээх хэлбэр юм.

Зөв төлөвлөж чадвал нэр хүнд ба мөнгөний урсгал хоёул хүчтэй давтагдана.

Хоёр туйлын тэнцвэр —ухаалаг орлого ба нэр төртэй зарцуулалт

Та мөнгө олохдоо ухаалаг, зарцуулахдаа нэр төрөө боддог.

Энэ хоёр урсгал зэрэгцэн байх үед таны амьдралын санхүүгийн эрч хүч тогтвортой байдаг.

Хэрэв та бусдын үнэлэмж, итгэлцлийг хэт дагах эсвэл өөрийгөө золиослох хэмжээнд хүрвэл, мөнгөний урсгал удааширч мэднэ. Харин өөрийгөө үнэлж, бусдыг хүндэтгэхийн зэрэгцээ төлөвлөгөөтэй хандвал — таны мөнгөний энерги урсгал хүчтэй, тэнцвэртэй байдаг.

Toology-гийн зөвлөгөө

Энэ нийтлэл нь төрсөн оны сүүлийн цифрээр гаргасан ерөнхий зурлага бөгөөд нарийвчлалын түвшин 60–70% орчим байна.

Харин төрсөн он, сар, өдөр, цагийн мэдээллийг хамруулбал 90% хүртэл нарийвчлалтай, хувь хүнд бүрэн тохирсон зураглал гаргах боломжтой.

Тоологийн зурахуй нь хүмүүсийг ангилж, ерөнхийлдөг арга биш —зөвхөн танд оноогдсон хувь хүний зураглалыг судалж, амьдрал, мөнгөний энерги, сэтгэл–ухааны хандлагыг тайлбарладаг систем юм.